The latest (8th) Tintin adventure to be translated into Scots is L’Étoile Mystérieuse (English title The Shooting Star).
“A wheechin starn! Quick, Tarrie, mak a wish!”
Ae nicht, whan oot for a dander, Tintin sees a ferlie starn that keeps growin brichter. It is a bleezin firebaw wheechin towart the Earth!
Altho the asteroid gaes by withoot a stramash, a muckle bit meteorite plunks doon in the Arctic Ocean. Syne Tintin an his freens, alang wi starn-keeker, Professor Boethius Bannock, set oot on a scientific expedition tae find it an recover the ootland metal it conteens.
The unco rock fae ooter space has byordinar properties that gie Tintin a fair few flegs. But there is waur tae come for the gallus reporter lad whan he learns that ill-deedie folk are heidin towart the meteorite forby.
For orra facts anent the names and cultural references in The Ferlie Starn and other titles, see the separate Fun Facts page.
*Comin in Autumn 2020* – a TWA-PAIRT pirate adventur The Saicret o the Unicorn& The Treisure o Rachlan the Reid follae Tintin an Captain Haddie as they hunt for sunken pirate treisure an meet the eccentric Dr Kelvin Kenspeckle, inventor o the shark submarine.
In Saicret o the Unicorn, Tintin finds a model o an auld warship, the Unicorn, that wis commandit lang syne by Captain Haddie’s forefaither. It hauds an unco riddlum: the first o three byordinar clues tae the treisure o the bluidthristy pirate, Rachlan the Reid. But sleekit villains are efter the saicret forby an will dae their deidly utmaist tae get it for themsels.
The story continues in Treisure o Rachlan the Reid, whaur Tintin an his freens mak for the Caribbean in search o the pirate treisure. Their quest leads them tae a desert island inhabitit by papingoes that skirl an flyte in Scots. Syne, aneth the waves, they find the wrack o the Unicorn, andan auld sea-kist fu o drookit documents — documents that reveal bumbazin news!
A new Scots translation of this classic Tintin adventure, created for the 80th anniversary of Hergé’s original Le Sceptre d’Ottokar, which was published in 1939.
“Wae be tae him that sticks his neb in ither fowk’s business” (Auld Syldavian Proverb)
Tintin traivels tae the sma Balkan kingdom o Syldavia whaur he uncovers a conspeeracy agin the young king, Muskar XII. The plotters are mindit tae steal the auncient Sceptre o Auld King Ottokar, symbol o the new king’s richt tae rule. Gin the plot succeeds, the king will tyne his croun — can Tintin help him afore it’s ower late?
Tintin thinks his guid freen Chang has been killed in a plane stramash i the Himalayas – until a byordinar dream maks him misdoot that Chang is deid. Thegither wi Captain Haddie an Tarrie, he sets oot on a perilous journey ower the snaw-tooried Himalayas towart Tibet. Upby, the monks o an ootland Buddhist monastery see a veesion o Chang ben a cave upheich i the moontains. But he isna on his lee lane. Wi him is a gey rare craitur kent in legends as the ‘Ugsome Snawman’!
‘Ay, I’d hae gien them laldie, lad, if they’d jist waited on me! But they ran aff like mealie-mou’ed mappies… forby ane that duntit me at my back, the cooart!’
Featuring the first appearance of Captain Haddie and his fantoosh flytings, such as Hallockit hallions!… Glaikit gomerals!… Plookie puddocks! … andSoor-faced plooms!…
Tintin an Tarrie follae a series o byordinar clues that pit them on the trail o a dangerous drugs cartel. In their pursuit, Tintin is steekit i the hold o Captain Haddie’s ship, the Karaboudjan – whaur the captain is sair hauden doon by the bottle an keepit i the pooch o his crew. Wi the sweltry Sahara on the ae side an the wattery deepths o the Mediterranean Sea on the tither, this adventur fair pits the lives o Tintin an his freens in deidly danger…
‘Gin the papyrus is richt, the tomb o Pharaoh Kih-Oskh is richt here unner oor nebs!’
A chance encoonter wi the dottelt Egyptologist, Professor Cameron Cartouche, taks Tintin an his faithfu dug Tarrie on an adventur in search o the lang-tint tomb o Pharaoh Kih-Oskh.
But the pharaoh’s tomb hauds a secret derker than mummies an sarcophagi. By followaein a byordinar clue – the mysterious Merk o the Pharaoh – Tintin an Tarrie rin ramstam intae a gang o drug smugglers, an find themsels in a sair fecht wi an international criminal maistermind.