from The Derk Isle

Tintin:
Dinna staund like a stookie! A man lowpit aff the train. We maun follae him!

I’ll bet ma breeks he’s up tae nae guid!

Oot the skirlin pan an intae the fire, aw richt!

He’s a fair wunner, is wee Tarrie. There’s no a dug like him for snowkin efter crooks!

Sugarellie! The door’s steekit!

We’re gubbit, Tarrie! He’ll lowse the ithers an syne the hail clanjamfrie wull be efter us!

Tarrie:
Wouff! Wouff! Dae they no ken that Tintin’s in danger?

Murther, polis! I maun dae something!

Cud ye no jist dander throu the yett like me? Ye’re aye the superhero!

Gaun yersel, Tintin! Wham! Ane doon! Wham! An the tither!

Nisbet an Nesbit:
Yon’s an antrin thing, Nisbet …
Mair nor that, Nesbit, a queer an antrin thing.

Hoo come we’ve stapt? Lovanentie! Whaur’s Tintin?
I doot we’ve tint him…

The limmer! He’s gien us the slip, an joukit awa!
Mair nor that, he’s gien us the jouk, an slippit awa!